Sverre Heimdal har arbeida med instrumenta Kraviklyre og Sjøfløyte i snart 40 år, og har fleire gonger vore på Folkemuseet på Bygdøy og gjort undersøkingar av den originale kraviklyra. Foredraget vil mellom anna ta for seg den historiske «gjenoppdagelsen» som Tidemann gjorde av lyra i 1848, men også sette kraviklyra i samanheng med andre europeiske lyrer. Sverre har sidan 1988 bygd om lag 120 kraviklyrer, der ei av lyrene er å sjå på Ringve Museum
Sjøfløyta er Numedals «nasjonalinstrument», så då Per Midtstigen og Steinar Ofsdal fekk Spelemannsprisen for sitt album «Sjøfløyta» i 1988, inspirerte Per Sverre til å starte arbeidet med bygging av sjøfløyter. Han lagar fløyter etter modell av Nils O. Stuvstad (1909 – 1980) som var ein bygdehandverker i Flesberg som vart landskjent for å lage sjøfløyter.
Sverre Heimdal har motteke Olav H. Skrindo Slettens minnepris, Viken fylke sin kulturpris, Egil Storbekken sin musikkpris og Nore og Uvdal kommunes kulturpris for sitt arbeid i folkemusikkens teneste.
